تِه شونی مِه دلِ قراره وَرنی
امه دِنیای جا صِفا ره وَرنی
کِجه شونی مه چلچلای زخمی
دشت و صحرای جا بِهاره وَرنی
نون بَپِتی خِنِه ره بو بَیته
وَچون چِش و رو رِه سو بَیته
آخ، علی - قُوِت زانو بیته - زهرا جان
مه جان و دل / ته خنده ره قِروون
این سه مِاهه / دل بیّه مشت خون ۲
مه وِسّه زهرا جان ته ره بَزونه
مه دل درد و غم تِموم نَوونه
کِجه بورم شِه دل غمّه باوِم
مه جان فاطمه هنوز جِوونه
ته شونی این خِنه‌ی سو شونه
دیگه ته دَیِّن امه اَرمونه
خنه نیّه - این خنه زِندونه - زهرا جان
آخِر چِتی / وندنی شه چِشه
یتیما رِه / کی بَهیره کَشه ۲
